ইলাখান দিন আছিল-
হাইঞ্জা বিয়ান অইতো, বিয়ান হাইঞ্জা অইতো।
ইলাখান দিন আছিল!
ইলাখান দিন আছিল-
আসমানো মেঘ আইতো, মেঘ জমিনো আইতো।
বাগানো ফুল আইতো, ফুলোর টানে বাতাস আইতো;
ফুলোর গন্ধে ভোমর আইতো, গুনগুনাইতো, গান গাইতো;
ইলাখান দিন আছিল-
রাধার মনো শ্যাম আর শ্যামর মনো রাধা আইতো।রইদো মেলা রুমালর গাত পিরিতির মাত আছিল,
বিঝা রুমালর গাত আন্দাইর রাইতর মায়া লাগাইল আছিল,
রুমালর বায় ছাইয়া বুকর সন্দুক খুলিয়া যাইতো,
বুকর গাঙ উতলিয়া উটতো,
ইলাখান দিন আছিল-
তাইরে তার মনো অইতো;
তারে তাইর মনো অইতো।
ইলাখান দিন আছিল!ঝিঙার ঝারো সোনার ফুল ফুটে খানোর দুলোর মত,
রইদ আর ছেবা আইয়া আইয়া যায়
খইলজার জানর মদুর মিশাইল হাসির মত।
খছুয়া ফাইড় অলইদ শাড়ি আছিল,
হাওন মাইয়া রাইতোর মেঘোর মত ছুল আছিল,
সেই ছুলো তুফান আছিল জুরি গাঙর ঢেউওর মত,
আর তার মুখখান আছিল রাইতোর আসমানো মেঘ বেরা চান্দোর মত।
ইলাখান দিন আছিল-
আন্দাইর মনো চান্দর বাত্তি ঝলতো,
ফুতির গফে গফে তাই তার মনো আইতো, হে তাইর মনো আইতো;
ইলাখান দিন আছিল নিরাই গাঙ্গো আখতা তুফান আইতো।
ইলাখান দিন আছিল!দিন গেলে আর দিন আয় না,
বাত্তি নিবলে বাত্তি ঝলে, খাছ ভাঙলে জুড়া লাগে না।
মাটি ফুড়িয়া ইট অয়, ইট আর মাটি অয় না;
মন দুকিয়া দুকিয়া ফাত্তর অয়, ফাত্তর মন অয় না।
ফুল ফুটে, গন্ধ বারয়, ভোমরায় গান গায়-
বুকোর সন্দুক আর খুলে না,
বুকোর গাঙ্গো তুফান আয় না।
তবুতড়ি ইলাখান দিন আছিল-
বুকোর গাঙ্গো তুফান আইতো, খইলজা উতলিতো,
আর আসমানোর লিলুয়া খালি মেঘোর অক্ষর দিয়া লেখতো-
তাই তার খতা, হে তাইর খতা।ইলাখান দিন আছিল,
অয়, এখদিন ইলাখান দিন আছিল!
ইলাখান দিন আছিল!
প্রিয়তে নিন
সুহৃদের রংমহল
(১টি মূল্যায়ন, গড়: ৫.০০ / ৫)
Loading ...
শ্রাবণ আকাশ বলেছেন:
আচ্ছা, আপনি কি অসমীয়া ভাষা জানেন? মানে অনেকটা বাংলার মতই তো মনে হয়। তবুও কিছু কিছু ব্যাপার ঠিক বোঝা যায় না। সেগুলো বোঝার ভালো উপায় কী?
সজল শর্মা বলেছেন:
কথ্য রীতিতে সিলেটী রীতির সাথে অনেকটা মিলে যায়। কথা বলতে পারি না। তবে শুনলে অনেকটা বুঝতে পারি। বাংলা বর্ণমালার সাথে মিল থাকায় লেখাও অনেকটা পড়তে পারি।
অসমীয়া ভাষায় করা নাটক দেখলে, বা গান শুনলে, ধীরে ধীরে বোধগম্য হয়ে যাবে। সময় দিতে হবে।
সুমিত মোহন্ত বলেছেন:
থ্যাঙ্কু দাদা ……..
সজল শর্মা বলেছেন:
শুভেচ্ছা।
সজল শর্মা বলেছেন:
ইলাখান দিন আছিল-/ এমন দিন ছিল
হাইঞ্জা বিয়ান অইতো, বিয়ান হাইঞ্জা অইতো।/ সন্ধ্যা ভোর হতো, ভোর সন্ধ্যা হতো
ইলাখান দিন আছিল! / এমন দিন ছিল
ইলাখান দিন আছিল- / এমন দিন ছিল
আসমানো মেঘ আইতো, মেঘ জমিনো আইতো।/ আকাশে মেঘ আসতো, মেঘ জমিতে আসতো
বাগানো ফুল আইতো, ফুলোর টানে বাতাস আইতো;/ বাগানে ফুল আসতো, ফুলের টানে বাতাস আসতো
ফুলোর গন্ধে ভোমর আইতো, গুনগুনাইতো, গান গাইতো;/ ফুলের গন্ধে ভ্রমর আসতো, গুঞ্জন করতো, গান গাইতো
ইলাখান দিন আছিল- / এমন দিন ছিল
রাধার মনো শ্যাম আর শ্যামর মনো রাধা আইতো। / রাধার মনে শ্যাম আর শ্যামের মনে রাধা আসতো
রইদো মেলা রুমালর গাত পিরিতির মাত আছিল, / রোদে মেলা রুমালের গায়ে প্রেমের কথা ছিল
বিঝা রুমালর গাত আন্দাইর রাইতর মায়া লাগাইল আছিল, / ভেজা রুমালের গায়ে আঁধার রাতের আদর লেগে ছিল
রুমালর বায় ছাইয়া বুকর সন্দুক খুলিয়া যাইতো,/ রুমালের দিকে তাকিয়ে বুকের সিন্দুক খোলে যেতো
বুকর গাঙ উতলিয়া উটতো,/ বুকের নদী উতলে উঠতো
ইলাখান দিন আছিল- / এমন দিন ছিল
তাইরে তার মনো অইতো;/ তাকে(স্ত্রী) তার মনে হতো
তারে তাইর মনো অইতো। / তাকে(পুং) তার মনে হতো
ইলাখান দিন আছিল! / এমন দিন ছিল
ঝিঙার ঝারো সোনার ফুল ফুটে খানোর দুলোর মত,/ ঝিঙের ঝাঁড়ে সোনার ফুল ফুটে কানের দুলের মত
রইদ আর ছেবা আইয়া আইয়া যায়/ রোদ আর ছায়া এসে এসে যায়
খইলজার জানর মদুর মিশাইল হাসির মত। / কলিজার প্রাণের মধু মেশানো হাসির মত
খছুয়া ফাইড় অলইদ শাড়ি আছিল, / সবুজ পাড় হলুদ শাড়ী ছিল
হাওন মাইয়া রাইতোর মেঘোর মত ছুল আছিল,/ শাওন মাসী রাতের মেঘের মত চুল ছিল
সেই ছুলো তুফান আছিল জুরি গাঙর ঢেউওর মত, / সেই চুলে ঝড় ছিল জুরী (একটি ছোট নদী) নদীর ঢেউয়ের মত
আর তার মুখখান আছিল রাইতোর আসমানো মেঘ বেরা চান্দোর মত।/ আর তার মুখ ছিল রাতের আকাশে মেঘ ঘেরা চাঁদের মত
ইলাখান দিন আছিল- / এমন দিন ছিল
আন্দাইর মনো চান্দর বাত্তি ঝলতো,/ আঁধার মনে চাঁদের বাতি জ্বলতো
ফুতির গফে গফে তাই তার মনো আইতো, হে তাইর মনো আইতো; / পুঁথির গল্পে গল্পে তাকে (স্ত্রী) তার মনে হতো, সে (পুং) তার মনে আসতো
ইলাখান দিন আছিল নিরাই গাঙ্গো আখতা তুফান আইতো। / এমন দিন ছিল নিরব নদীতে হঠাৎ ঝড় আসতো
ইলাখান দিন আছিল! / এমন দিন ছিল
দিন গেলে আর দিন আয় না, / দিন গেলে আর দিন আসে না
বাত্তি নিবলে বাত্তি ঝলে, খাছ ভাঙলে জুড়া লাগে না। / বাতি নিভলে বাতি জ্বলে, কাঁচ ভাঙলে জুড়া লাগে না
মাটি ফুড়িয়া ইট অয়, ইট আর মাটি অয় না;/ মাটি পুড়ে ইট হয়, ইট আর মাটি হয় না
মন দুকিয়া দুকিয়া ফাত্তর অয়, ফাত্তর মন অয় না। / মন ধুকেধুকে পাথর হয়, পাথর মন হয় না
ফুল ফুটে, গন্ধ বারয়, ভোমরায় গান গায়-/ ফুল ফোটে, গন্ধ বের হয়, ভ্রমর গান গায়
বুকোর সন্দুক আর খুলে না, / বুকের সিন্দুক আর খোলে না
বুকোর গাঙ্গো তুফান আয় না।/ বুকের নদীতে আর ঝড় আসে না
তবুতড়ি ইলাখান দিন আছিল-/ তবুও এমন দিন ছিল
বুকোর গাঙ্গো তুফান আইতো, খইলজা উতলিতো,/ বুকের নদীতে ঝড় আসতো, কলিজা উতলে উঠতো
আর আসমানোর লিলুয়া খালি মেঘোর অক্ষর দিয়া লেখতো-/ আর আকাশের নীল কালি মেঘের অক্ষর দিয়ে লিখতো
তাই তার খতা, হে তাইর খতা। / সে (স্ত্রী) তার কথা , সে (পুং) তার কথা
ইলাখান দিন আছিল,/ এমন দিন ছিল
অয়, এখদিন ইলাখান দিন আছিল! / হ্যাঁ, একদিন এমন দিন ছিল
ইলাখান দিন আছিল! / এমন দিন ছিল